Yeni Mercedes S Classe-ın casus fotoları internetdə yayımlanıb. S Classe adlanan bu model, Maybach limuzinləri üçün baza rolunu oynayır. Başqa sözlə, gələcəkdə bu avtomobillərin bazasında limuzinlər hazırlanacaq. 2012-ci ildən bazara çıxarılacaq yeni S Classe indiki modellərdən daha uzun olacaq. Avtomobilin 6 və 8 silindrli mühərriklərlə komplektləşdirilməsi nəzərdə tutulur.

Bu ilin yanvar ayı ərzində Çin avtomobil bazarında dünya avtomobil sənayesində avtomobillərin satışına görə aylıq rekord göstərici qeydə alınıb. Çin Avtomobil Sənayesi Assosiasiyasına istinadən məlumatına görə, ötən ay Çində 1,66 mln. ədəd avtomobil realizə olunub ki, 2009-cu ilin yanvar ayı ilə müqayisədə bu göstərici 2,3 dəfə artıb (ötən il Çində 735,5 min ədəd avtomobil satılıb).

Kia Motors Corporation sərnişin (ixrac satışları, daxili satışlar, və xarici zavodların satışları) və kommersial avtomobillərinin satış rəqəmlərini elan edib: 2010-cu ilin yanvar ayında ümumi satış həcmi 150,392 ədəd təşkil edib. Bu rəqəm keçən ilin müvafiq göstəricisindən 62,9% çoxdur. Regionlar üzrə isə, Kia aşağıdakı artım göstəricilərinə malikdir:

Bu günlərdə 25-ci Beynəlxalq Avtomobil festivalının nəticələri elan edilib. Səsvermədə  62 ölkədən olan 65000 nəfər internet istifadəçisi iştirak edib. Onların 33%-i Peugeot RCZ modelinin 2009-cu ilin ən gözəl avtomobili olduğunu təsdiq edib. Peugeot RCZ Peugeot 308-in bazasında yaradılıb. O əsasən Qərbi Avropa avtomobil bazarında satılır.

Hyundai avtomobillərinin ölkəmizdəki rəsmi distribüteri Hyundai Avto Azərbaycan yeni kampaniyaya start verib. Artıq Hyundai avtomobillərinə sahib olmaq istəyən alıcılar istəklərini asanlıqla həyata keçirə biləcək. Şirkətin marketinq direktoru Rüstəm Məmmədov bildirib ki, şirkət Matrix, Tucson, Santa Fe modelləri üçün bank və sığorta xərclərini ləğv edib.

Ford konserninin İsveçrə şöbəsi Avropa bazarı üçün avtomobilin xüsusi olaraq yeni modifikasiyalı Focus RS modelinin idman versiyasını hazırlayıb. Model  “WRC Edition” adlanır.  Bu avtomobil xüsusi olaraq idman yarışları üçün istehsal olunub.  Yeni Ford RS idman versiyalı avtomobilin 40 illiyinə həsr edilib. Avtomobilin  idman xetçbekləri arasında ən yaxşı elan olunacağı da danılmır.

İtaliyanın avtomobil istehsalçısı Fiat özünün Fiat 500 modelini okean;n o biri tərəfində Meksikada istehsal etməyi qərarlaşdırıb. Bunun üçün Fiat rəhbərliyi 550 milyon dollar vəsait ayırmağı planlaşdırır. Gənc xanımların diqqətini daha çox çəkən Fiat 500 Meksikanın Toluka şəhərində ABŞ-ın Chrysler şirkətinə məxsus  zavodunda yığılacaq.