12 mart 2010-cu il tarixində Hyundai Auto Azerbaijan premium sinif avtomobillərinin satılacağı “Genesis Gallery” salonunun rəsmi açılış mərasimini keçirdi. Bu salonda Hyundai Motor-un istehsal etdiyi Genesis, Genesis Coupe və Equus modelləri satılacaq. Qeyd edək ki, bu avtomobillərin istehsalı Hyundai-nin tarixində yeni bir səhifədir və ilk premium modellər MDB ölkələri arasında birinci bizim ölkəmizə gətirilib.

Yeni Bentley Mulsanne axır ki, yaxalandı. İngiltərənin “Carmagazine” jurnalında onun təsadüfən bir şəxs tərəfindən çəkilən şəkilləri yayımlanıb. Onun mediadan gizli olaraq şəhər daxilində sınaqlarının həyata keçirildiyi ehtimal olunur. Avtomobilin kapotunun altına 6.75 litrlik, 500 at gücündə mühərrik yerləşdirilib. Onun kütləvi istehsalına gələn ildən başlanacağı gözlənilir.