Forbes jurnalının tərtib etdiyi dünyanın ən bahalı avtomobilləri yeni reytinqində birinci yeri satış qiyməti 2,21 mln. dollar olan Koenigsegg Trevita modeli tutub. İkinci yerə dəyəri 2 mln. dollar olan Bugatti Veyron 16.4 Grand Sport modeli, üçüncü yerə isə Pagani Zonda Cinque Roadster modeli layiq görülüb. Bu modelin qiyməti 1,8 mln. dollar təşkil edir.

BMW özünün ən cəlbedici X5 modelini yeniləyəcək. Xarici görünüşdən elə də dəyişikliyə uğramayacaq modelin əsas yenilikləri onun kapotunun altında gizlənəcək. 2011-ci ilin model sırasına aid olan krassover çoxlu sayda detallara sahib, kuzovu rəngində olan fərqli bamperə və yeni ön, arxa faralara sahibdir. Yenilənən modelin güc aqreqatları ilə tanış olun.

Bir neçə ay əvvəl Nissan 370Z modelinin yeni, xüsusi yubiley versiyasını istehsal edəcəyini bildirmişdi. Artıq məlum olub ki, Avropa bazarı üçün,  370Z Black Edition istehsal olunub. Amma avtomobilin Avropa versiyası, Amerika versiyasından elə də çox fərqlənmir. Onu fərqli edən sadəcə qırmızı dəridən olan salonu, tündləşdirilən 19 düymlük diskləridir.

Subaru Avropa avtomobil bazarı üçün yenilənən, xüsusi İmpreza modelini hazırlayıb. Yeni avtomobil İmpreza XV Crossover adını alıb və Cenevrə avtosalonunda əsas diqqət mərkəzində olacaq modellər sırasına aid edilir. Təəssüf ki, yeni modelin şəkilləri hələ ki, əlçatan deyil. Ancaq onun 5 qapılı İmpreza-nın bazasında yığıldığı məlumdur.

Son günlərdə paytaxtı iflic vəziyyətinə qoyan soyuq hava şəraiti və yolların buz bağlaması nəticəsində 53 nəfər müxtəlif dərəcəli xəsarət alaraq Bakı şəhər Təcili və Təxirəsalınmaz Tibbi Yardım Stansiyasına müraciət edib. Bakı şəhər Təcili və Təxirəsalınmaz Tibbi Yardım Stansiyasının baş həkiminin müavini Rauf Nağıyev bildirib ki, xəsarət alanların 27-si qadın, 26-sı kişidir.