May ayının ilk günlərində Kia Soul Texas Avtomobil Yazıçıları Assosiasiyasının (TAWA) “Yaz Çağırışında Yazıçıların Seçim Mükafatları” siyahısında “Ən yaxşı Dəyər” adını qazanıb. Soul bu mükafata cəlbedici görkəmi, aksesuarları və standart təhlükəsizlik sistemlərinə görə layiq görülüb. KMA-ın Marketinq üzrə Vitse Prezidenti Maykl Spreyq bildirib ki, Soul Kia Motors tərəfindən bu il buraxılan tamamilə yeni nəqliyyat vasitəsidir və avtomobildə dizayn və dəyərə xüsusi yer ayrılıb.
Soul başqa avtomobillərdən öz müasir, unikal üslubu ilə fərqlənir və  bu cəhətlər onu gənclər və gənc ruhlu insanlar arasında ən çox seçilən model edib.
Soulun yeniləşdirilən Audio Paketinə səsin işıqla əks olunmasını təmin edən səsgücləndiricilər daxildir.  Soul sport aydın tünd qırmızı rəngdə olan və qırmızı parça ilə örtülən oturacaqları və metalla bəzədilən  interyerə malik olması ilə fərqlənir.
Kia Motors-un PR, Reklam və marketinq departamentinin rəhbəri İlahə Tağıyeva bildirib ki, Texas Avtomobil Yazıçıları Assosiasiyası bu müsabiqəni hər ilin aprel ayında Texasda keçirir. Müsabiqə zamanı Assosiasiya üzvləri müxtəlif avtomobil şirkətlərinin bütün siniflərdən olan modellərini test edirlər və ümumi texniki göstəricilər, qiymət, dizayn və interyerə görə seçim edirlər. 



//avtomobil.az